香港人究竟有幾鐘意飲台式飲品？最近每日大排長龍嘅「老虎堂」被揭發黑糖係用機炒，並含焦糖色素，最近新進駐嘅台式飲料店愈嚟愈多，以下三間最新進軴香港嘅飲料店，經過今次事件後，大家飲嘅同時，會唔會都注意下原材料會唔會對人體有害？
- 老虎堂
主打使用獨家「虎式黑糖」， 配以由完美比例組成的黑糖珍奶， 口感分明有層次 ， 香氣十足，一進駐香港，就引起熱潮。不過最近就被爆一直標榜嘅手炒黑糖，其實係機製黑糖，而且含焦糖色素。「老虎堂」負責人楊敏宗昨日就在喺FB「對不起，我們太急了」發聲明致歉，承認改用機製黑糖，違背初衷，被一班網民聲討。
小編就覺得好可惜，一間本來咁有特色嘅飲料店，始終不敵現實，為咗追趕銷量而違背初衷，如果願意賺少一點，堅持原則，贏得到嘅唔只係顧客嘅信任，仲係一份尊重。
地址：銅鑼灣渣甸街36號
- 花甜果室
上兩個月登陸香港嘅「花甜果室」，和風嘅店面設計，加上飲品漸層嘅夢幻外觀，係唔少文青鐘意去嘅飲料店。「花甜果室」主打純天然水果，現打成多款口感豐富嘅果汁、果昔、沙冰，佢哋嘅飲品名都好特別，例如：「她，與他的香水味」，就係用咗火龍果、蘋果、乳酪、蜂蜜同椰漿絲製成，顏色層次分明，除咗飲，用嚟打卡一流！相比起珍奶，小編心理上覺得果汁好似仲健康啲，間中飲下都冇咁有罪惡感～
地址：尖沙咀加連威老道52&52A地下C號
- 珍煮丹
另一台灣人氣飲料店 - 「珍煮丹」即將喺下今個月內登陸香港，仲開正喺另一人氣飲料店「迷客夏」隔離，以後行過又要掙扎一番先揀到飲邊間喇～「珍煮丹」喺台北地區已有20多間分店，但依舊人潮不斷，主打黑糖飲品，佢哋嘅除咗有招牌黑糖珍珠鮮奶，仲有其他人氣茶飲，例如：宇治抹茶紅豆 × 黑糖紅豆鮮奶、檸檬清茶、祖傳黑糖烏梅蜜、黑糖烏梅檸檬蜜等，睇落都好吸引！「珍煮丹」同樣以用黑糖煮出嘅珍珠而爆紅，希望到最後仍然可以保持水準，唔好令我哋失望呀！
地址：香港銅鑼灣利園山道15號
