不少人都很有興趣投身空中服務員的行列，但面試前亦需要有不少準備，這次找來幾位「行內人」－Jennifer、安德魯和Nana，與大家分享考空姐、空少必備的小貼士，就連打扮、談吐、應對的準備都一一話你知，睇完去見工絕對事半功倍！Jennifer於片尾更大爆行內小秘聞，你又有否聽過呢？
- 打扮tips - Jennifer：「頭髮方面冇話一定要空姐頭，其實只要乾淨整齊已經可以。化妝加啲唇膏令自己望落有血色就可以，唔使化到好似『馬騮屎忽』，去登台一樣！」安德魯：「有啲人會成個頭金色咁去考空少，但試問你又幾時見過有空服員個頭係金色呢？其實最重要係著得整齊，望落好「四正」就可以，就算你係韓仔頭但你成個人好presentable，一樣可以考到！」
- 談吐tips - Nana：「面試嘅時候最重要一定係笑容，盡量練習到講住嘢都笑，因為當你真正成為空姐，工作嘅時候都一樣要笑，咁樣面試官都會對你有更好嘅印象！」Jennifer： 「唔好表現出你好緊張、好驚或者口窒窒，笑容多啲，表現大方啲會令人感覺更好！」
- 應對tips - 安德魯：「千祈唔好答你鍾意去旅行，一答鍾意去旅行一定會俾人叮走。個個都鍾意旅行，但呢份工係請你返嚟做嘢而唔係去旅行㗎！同埋面對考官唔好表現得太有自信，因為見你好堅持自己意見嘅話，有可能會覺得你喺機上同客人爭辯，反而影響考官對你嘅印象！」
空中服務員招聘資訊： 香港航空 Flight Attendant Recruitment Day 日期：25/8/2018 詳細資料請按此
新加坡航空 Cabin Crew Recruitment 詳細資料請按此
