網民:「點解唔上網搵圖?」2018書展寫真大對決

今日書展開鑼!大家除咗去掃平書,會唔會都留意到今年嘅「寫真女郎」?想當年嘅周秀娜,今日就多咗好多新面孔,一齊睇下你識得幾個啦!

松岡李那(Linah)《Im Yours

今年32歲嘅日模松岡李那,喺日本廣島縣出生,喺香港任職女模特兒及演員,日韓女子組合Girls Kingdom成員,曾經是林子祥兒子林德信的緋聞女朋友。今次嘅寫真集嚟咗香港取景,主打本土情懷,以男友視覺拍攝。

 

馬俊怡(Rose Ma )《初次 First Rose Ma

今年24歲嘅Rose Ma係香港模特兒,曾經拍過廣告、MV,做過活動模特兒同禮儀小姐,亦做過女子電競隊成員同動漫節做Game Girl,有「電競女神」嘅稱號。今次寫真集投資六位數去東京取景拍攝,主打日系風格。

 

甄詠珊《惡人菊 CHANGE 甄詠珊》

37歲嘅前性感女子組合Freeze成員甄詠珊,係香港娛樂圈少有公開承認整容嘅女藝人。今年第一次推出寫真集,由著名攝影師葉青霖門生金永峰操刀,去到歐洲巴塞隆拿等地拍攝。

 

簡幗儀(Lilian Kan This is Lilian for u

30歲嘅宅男女神Lilian Kan,係香港模特兒兼時裝設計師,主要做婚紗設計,今次推出嘅散文寫真集遠赴杜拜拍攝。

 

楊思琦《Miss Szeki 2018

2001年香港小姐冠軍、今年已經39歲嘅楊思琦,推出首本個人寫真集,超級童顏加上超好身材,都仲有睇頭!

 

劉佩玥《我的微笑之道》

無綫小花劉佩玥(Moon)推出首本文字相集,遠赴美國取景。相集以美感為主,再配上文字分享佢28年嚟嘅人生經歷。

 

楊嘉文(Kana My Double May

擁有32H勁爆身材的21歲模特兒楊嘉文(Kana),推出書名為《My Double May》嘅寫真集,至於主題係咩,相信都同個書名一樣,簡單易明⋯⋯

 

沙律(張沛樂)& Kimi(趙詠瑤)《閨蜜遊記 台灣篇》

26歲香港模特兒沙律(張沛樂)同Kimi(趙詠瑤)都係喺2016年參選viuTV選美節目《美選D.n.A》而出名。今次推出嘅寫真集,仲同時係一本旅遊書,由台北玩到落台南,都幾實用!

 

伍倩彤(Gillian)《Find Me In Praha

 

第四代「邦民女」、26歲嘅伍倩彤,有「翻版陳瀅」嘅稱號,擁有33C、24、34好身材,今次去到布拉格拍寫真,主打成熟性感風格。

 

楊曉穎(Sharon

今年27歲嘅楊曉穎(Sharon)係名模陳嘉容師妹,上年同楊麗(Jill)一齊推出寫真,今年會以個人出寫真,以男友視覺拍攝,以相片敘述成長過程。

 

倪辰《Fall into Lala - 初見》

由模特兒轉型做歌手、有26歲嘅倪辰,有翻版薛凱琪之稱,有過百萬直播粉絲,今次寫真集偏向性感,大騷身材。

 

迪子 amor fati

香港唱作女歌手迪子,早前自爆去咗韓國整容,今年書展推出新書加CD,部份仲以真空上陣,尺度好大!

 

不過就有網民質疑話,呢個年代咩圖都可以上網搵到,仲使乜買寫真集?真係眨下眼,時代就唔同咗,大家對「寫真」嘅睇法都跟住轉變,唔再係當年「寫真狂熱」嘅年代,大家今年又會唔會入場買寫真支持下呢?

advertisement