為咗出位可以去到幾盡?四宗令人不明所以嘅「出位」事件

台灣媽媽Blogger無敵小恩恩溫泉露點照

喺依個世代,要出位其實好易,只要你夠「搏」,拍下片、影下相,就可以自稱所謂嘅「Youtuber」、「Blogger」、「網絡紅人」,就連依家火熱到爆嘅「抖音」,用家年齡層都開始下降,小學生放咗學就可以拍下片放上網,無論幾多歲,要「出位」睇落都係一件好容易嘅事。但好多人為咗突圍而出,不惜付出好大嘅代價,甚至係自己嘅生命,好似以下幾位咁:

 

  1. 台灣媽媽Blogger 溫泉露點照

話說呢位已經育有兩個兒子嘅台灣媽媽Blogger「無敵小恩恩」,近日一家四口遊日,就show咗一張疑似「露點」嘅浸溫泉相片,網民好心提醒,丈夫仲回覆話:好美不用修,引嚟一番熱話!

台灣媽媽Blogger無敵小恩恩溫泉露點照

 

  1. 九歲妹妹拍片炫富恥笑窮人

除咗台灣,仲有呢位住喺加拿大溫哥華嘅9歲華裔女童Lil Tay,年紀輕輕Instagram已經有成160萬人follow,用純熟而粗俗嘅美式俚語,炫耀自己幾咁富有,恥笑窮人有幾窮。最後因為太出位,連累埋做地產經紀嘅媽媽被炒魷!

九歲妹妹Lil Tay拍片炫富恥笑窮人

  1. 留學韓女崖邊跳起拍照跌死

好多女仔為咗影張靚相,真係不惜一切代價。早前就有一名留學英國嘅23歲韓籍女生,喺東薩塞克斯郡旅遊勝地七姐妹崖觀光時,懷疑沿着崖邊跳起拍照,失足跌下死亡,令人婉惜!

留學韓女崖邊跳起拍照跌死

  1. 重慶男爬火車頂拍「抖音」碰觸高壓纜燒死

最近大熱嘅「抖音」15秒短片,係內地當紅嘅手機APPS,近日重慶一名男子拍「抖音」,躺喺火車頂,其間不慎接觸車上高壓電線,被燒成重傷,令人嘩然!

重慶男爬火車頂拍「抖音」碰觸高壓纜燒死

重慶男爬火車頂拍「抖音」碰觸高壓纜燒死

以上只係幾個例子,為咗「上位」,犧牲咁多嘢,甚至行出街都俾人指指點點,冇錯可以達到「全城熱討」嘅效果,但值得咩?呢樣嘢真係好值得我哋反思呀。

advertisement
Something is wrong.
Instagram token error.