advertisement

泰國曼谷「空中晚餐」

有冇諗過食餐飯都要心驚膽跳?離地50米「空中晚餐」你試過未?近期泰國曼谷就有個地50米嘅「空中晚餐」體驗,食客會被吊到離地50米半空中用餐,你夠唔夠膽試?

源自比利時布魯塞爾嘅「空中晚餐」體驗(Dinner In The Sky),曾於杜拜、吉隆坡、拉斯維加斯等大城市舉行,去年12月就嚟到曼谷。餐廳會利用起重機將食客同餐桌吊至離地50米半空,享用由曼谷喜來登蘇坤大酒店(Sheraton Grande Sukhumvit)行政總廚主理賈唐諾(Gaetano Palumbo)嘅4道菜,雖然好似好吸引,不過小編就得,上到去都唔知仲有冇心情諗啲嘢食好冇食呀~

泰國曼谷「空中晚餐」

泰國曼谷「空中晚餐」

望落好似好危險,但主辦方強調「空中晚餐」符合安全標準,每名食客都需配載安全帶,講就咁講,畏高嘅人士就唔好去喇!實嚇到腳仔軟~

泰國曼谷「空中晚餐」

每場晚餐可供22人同時享用,圍住一張長方形餐桌就座,中間有簡易廚房,畀廚師同待應準備餐點。而座位就好似過山車咁設有安全帶,想刺激啲,仲可以向後靠;座位只有一個腳踏作承托,所以上去係唔可以著高踭鞋或者拖鞋嫁。另外,主辦單位就建議食客上去之前去咗洗手間先,以防上到去人有三急就麻煩喇!

泰國曼谷「空中晚餐」

呢個咁刺激嘅「空中晚餐」,都唔係話想食就有隨時有得食嫁~喺今年2月28日前,主辦方每日只會舉行兩場,分別係晚上6點同7點半,分別可以喺兩段時間睇到日落或者曼谷夜景。至於價錢方面都唔平,平日每位4990泰銖(約1219港元),周末每位5390泰銖(約1316港元),值唔值就見人見智啦,不過相信都會係一個難忘嘅體驗嚟嘅~

泰國曼谷「空中晚餐」 泰國曼谷「空中晚餐」

圖片來源:sheratongrandesukhumvit、praewrapees @Instagram