觀星地點推介!下周四雙子座流星雨高峰期

有冇鍾意觀星嘅同伴?前日已經踏入活躍期嘅雙子座,預計下周四(14日)就係高峰期!約埋另一半去睇就最浪漫喇~

天文學家估計1小時最多有120顆流星,午夜至凌晨5時係最佳嘅觀賞時間,不過因為光污染嘅影響,預料每小時只可看見20至30顆流星劃過夜空,記得捉緊時間許個願!

每次一有,唔少嘅觀星地點都會聚集好多人,唔想咁迫,可以考慮多幾個地點~例如西貢天文公園、大嶼山南、大坳門、石澳等呢啲視野廣闊、遠離光污染的地區觀賞,早少少去霸定位就最實際!