advertisement
每個人心中總有一段回憶揮之不去，想一直珍藏，如果要將呢份思念化成實體，不如試下將佢哋化成星空，戴喺身上？本地就有一間訂製星空玻璃珠嘅小店，最近推出咗新嘅Memorial Space Glass訂製系列，可以將毛髮、骨灰等材料，融入宇宙玻璃珠之中，打造成一份獨一無二嘅禮物，外表睇落仲好靚！
呢款星空玻璃除咗可以整成吊墜，仲可以整成手繩、戒指或紙鎮擺設等，訂製過程需時約一個月，如果要加入材料，每件作品需要一茶匙骨灰，或者一毫紙硬幣大小嘅毛球（毛髮），或竹籤份量嘅頭髮就可以，所以無論係已經離世嘅寵物、親人，都可以留低呢份回憶。咁有心思嘅禮物，相信收到嘅人一定可以感受你份心意～
除咗單星球嘅計，仲可以揀雙星球、心形、月亮和星星嘅形狀，訂製價格由$3900起，小編就覺得都係星球形狀最特別，望住佢就好似望梗袖珍啲宇宙一樣，好治癒嘅感覺！
詳情可瀏覽 Grazie Murano網站 或向店員查詢。
Grazie Murano
地點：佐敦白加士街29-31號嘉士商業大廈16樓
除咗以上嘅星空飾物，小編仲搵咗其他款式嘅星空單品，全部都好靚！星空迷必入呀～
圖片來源：Etsy、Grazie Murano