收集來自芬蘭的聖誕雜貨！回到1950年代的北歐聖誕市集「赤坂蚤の市」

每逢聖誕，就好想去行聖誕市集，感受下聖誕氣氛。對日本東京比較熟悉嘅朋友應該都知道，六本木嘅「赤坂蚤の市」市集每個月都固定舉辦一次，但11月就有特別嘅主題！係為咗迎接聖誕節而舉行嘅秋季特別企劃—「赤坂蚤の市 in ARKHILLS 北歐聖誕市集」，今次主題以1950至80年代為主，想感受下復古嘅芬蘭聖誕節，必去啊～

今次嘅聖誔市集一如既往以古董傢俱、餐具、雜貨、珠寶、服裝、藝術工藝品為主，包括許多來自捷克、丹麥、瑞典、芬蘭嘅聖誕節雜貨同復古餐具，加埋四周嘅聖誕裝飾，彷如走入歐洲嘅聖誕市集一樣，夠晒氣氛～

如果你錯過咗今次嘅聖誕市集，都唔使擔心，因為會喺兩周後的10/12再度舉辦一次，大家留意返時間喇～如果想知道更多資訊，可以去佢哋 官網 睇下。

圖片來源：ARKHILLS