把回憶收藏!用毛髮、骨灰打造專屬於你的星空頸鏈

每個人心中總有一段回憶揮之不去,想一直珍藏,如果要將呢份思念化成實體,不如試下將佢哋化成,戴喺身上?本地就有一間訂製玻璃珠嘅小店,最近推出咗新嘅Memorial Space Glass訂製系列,可以將毛髮、骨灰等材料,融入宇宙玻璃珠之中,打造成一份獨一無二嘅禮物,外表睇落仲好靚!

呢款玻璃除咗可以整成吊墜,仲可以整成手繩、戒指或紙鎮擺設等,訂製過程需時約一個月,如果要加入材料,每件作品需要一茶匙骨灰,或者一毫紙硬幣大小嘅毛球(毛髮),或竹籤份量嘅頭髮就可以,所以無論係已經離世嘅寵物、親人,都可以留低呢份回憶。咁有心思嘅禮物,相信收到嘅人一定可以感受你份心意~

除咗單星球嘅計,仲可以揀雙星球、心形、月亮和星星嘅形狀,訂製價格由$3900起,小編就覺得都係星球形狀最特別,望住佢就好似望梗袖珍啲宇宙一樣,好治癒嘅感覺!

詳情可瀏覽 Grazie Murano網站  或向店員查詢。

Grazie Murano

地點:佐敦白加士街29-31號嘉士商業大廈16樓

除咗以上嘅飾物,小編仲搵咗其他款式嘅單品,全部都好靚!迷必入呀~

圖片來源:Etsy、Grazie Murano

advertisement