advertisement
美少女戰士粉絲又要破產喇！美圖手機又出新款，今次係第二彈聯名款，用「熱戀紅」嘅顏色為主題，連個盒都好靚，配搭埋超夢幻嘅愛心自拍棒，靚到一個點啊～一齊去相啦！
呢款美戰聯名手機嘅概念以S代為基底設計，以「熱戀紅」為主色，重點係搭配埋專屬嘅美少女手機殼，似十足變身器，好精緻！
包裝盒都唔馬虎，以飛躍嘅美少女戰士為背景，仲有同款嘅手機配件，包括愛心藍芽自拍棒、心月藍芽控制器，超華麗～
除咗美少女戰士款式，美圖手機仲預告會推出四大動漫的聯名限定款，包括Hello Kitty、多啦A夢、同埋龍珠，你又最鍾意邊款？
新嘅的M8s美圖手機繼續以六曲面3D玻璃為機身，加上前置雙像素鏡頭，並支援全像素PDAF極速對焦，可以拍出電影級嘅虛化照片，以後影相又多咗新玩法。目前官方仲未公布預計發售地區同數量，想買嘅朋友，記得留意 官方網站 嘅公布喇！
相片來源：美圖手機
