竟然要咁貴?大熱日本唱K聲線訓練減音咪!

每個人身邊總有一個鍾意唱歌嘅朋友,如果冇,咁果個人一定就係你自己!早排興完,今期竟然反其道而行,出咗隻「減音咪」,可以話係耳仔長期被魔音迫害嘅人士嘅褔音!

呢款設計簡單嘅減音咪,名叫 Utaet 聲線訓練靜音咪,驟眼睇以為係細個成日整嚟玩嘅「紙杯加線傳話裝置」(個名好似好厲害),其實原理真係差唔多,一樣唔需要插電,對住話音筒唱歌就可以將音量大減 70%,連接住嘅耳機可以俾你聽返自己悅耳嘅歌聲,自己享受,費事俾人聽到咪蝕晒!

不過買之前要停一停,諗一諗,因為呢個減音咪都唔平,盛惠81 美元(約 632 港元),大家自已諗值唔值喇~

圖片來源:technabob、Twitter