最有心思訂製禮物!熱爆創意「人臉咕」、「人臉行李套」

如果你身邊有一個好自戀嘅朋友,咁啱佢又就嚟生日,而你又冇乜禮物idea,不如考慮下呢個「人臉咕」呀!可以將對方(或自己)嘅樣放大,去到邊都拎住,實開心死~

呢款「人臉抱枕」主要係將人嘅臉孔相片變成生活化嘅商品,只要一張高清的「人臉」照片,就可以製作成獨一無二嘅「人臉咕」。除了製作一個之外,仲有一對、三人組嘅配搭,送埋俾其他朋友就啱晒!

試諗下當朋友打開禮物箱,第一時間見到自己個樣,都咪話唔驚喜呀!

仲有呢款加大版60x40厘米選擇,一人一個拎住嚟影相打卡,有種「大頭狗」嘅感覺!

除咗咕,仲有「人臉行李套」、「人臉吊飾」、「人臉暖袋」,認真搞鬼!

套住個喼去旅行,包保冇人偷你個喼,拎行李時仲可以好快認到,但首先你要唔介意印自己個樣上去~

放塊面入微微波爐叮熱,係拍梗鬼片嘅概念?

必要時仲係一個舒壓好幫手~

圖片來源:FIREBOX