advertisement
無論你係咩年紀嘅人，都一定知呢個戴住圓框眼鏡、紅白間條衣服、冷帽嘅人物係邊個。每次見到紅白間嘅物品都會聯想起Wally，估唔到原來佢背後都有不為人知嘅秘密！
最近關於Wally嘅都市傳說被Twitter網友再次討論，原來我哋細個一直尋找嘅Wally真身竟然係一個殺人犯！喺1987年英國出版嘅《Where's Wally》兒童繪本，讀者嘅目的係搵出Wally遺失嘅物品同Wally本人，唔止小朋友，仲受到唔同年齡階層嘅讀者歡迎。不過喺早前日本一個關於都市傳說嘅節目裡面，就講到原來Wally真身是一名精神異常而被關進精神病院中嘅殺人犯，喺30年前嘅英國殺咗25個小孩子，之後被關進精神病院，點知有一日喺醫院裡逃走咗而遭到通緝，從此就再搵佢唔到。事件發生之後，英國就推出咗以Wally命名嘅繪本，傳聞就話正正係以呢位殺人犯為藍本，真係聽到都打冷震～
至於Wally嘅標誌性衣着，傳言就話其實係當時精神病院嘅衣服，而頭上嘅冷帽同圓框眼鏡就係用嚟變裝潛逃嘅工具，手上拎住嘅拐杖就係攻擊武器嘅象徵物件，天呀！小編嘅童年徹底幻滅喇……
以為咁就完？仲未呀！傳聞仲指，繪本中「Wally親衛隊」嘅成員同樣穿上紅白間條上衣為，目的原來係為咗掩護Wally嘅行蹤！最吊詭嘅係，親衛隊嘅人數竟然是同果名殺人犯殺死嘅小孩數目係一樣，大家又信唔信呢單傳聞呢？
（圖片取自網絡）
