人真係好矛盾，有時口渴起上嚟，想飲可樂，但朝早返工好眼瞓，想飲咖啡，每朝都要掙扎一輪先決定到要飲咖啡定可樂，其實諗咩呀諗！溝埋一齊做咖啡可樂咪得囉～唔好以為係天方夜譚，日本就有賣「咖啡味可樂」，究竟飲落口會係咖啡味多啲定可樂味多啲呢？
同其他飲料放埋一齊，都依然好鶴立雞群，唔知味道如何？
根據當地人嘅評語，呢款可樂好夠「汽」，就咁聞已經聞得濃烈嘅咖啡味，但入口就同一般可樂差唔多，小編就覺得個概念係幾新奇嘅，值得一試～
一罐盛惠130円（大概$10港幣）
呢款飲料係自動販賣機限定發售，所以可以話係可遇不可求，去日本旅行見到記得買罐試下！
圖片來源：rocketnews
