advertisement
一上映就風靡全球嘅動畫電影《你的名字》，到今日每個場景都令人念念不忘，終於！據日媒官方消息公布，荷里活將會翻拍成真人版，令人好期待呢！
據消息所指，《你的名字》改編權已經俾Paramount Picture和Bad Robot Productions買咗，兩家公司將聯同日本東寶株式會社將呢套曾獲得日本電影學院獎最佳編劇、最佳電影配樂和話題獎三項獎項嘅動畫電影翻拍成真人版，並將由《Arrival》編劇埃里克·海瑟爾為其撰寫劇本，而J·J·艾布拉姆斯，以及動畫電影版製片人川村元氣都會參與製作。卡士咁強勁，唔知男女主角會搵邊個拍呢？
早前就有網民自製咗條真人版預告片，「男女主角」分別係神木隆之介同廣瀨鈴，又有網民話想動畫版聲優神木隆之介同上白石萌音親自飾演返片中角色。雖然未知真人版選角如何，但睇住呢條「預告」先，止下渴都好呀！
