advertisement

早排好hit嘅「極邪惡紫薯」,喺香港用到濫晒,隨街可見「紫薯」出現,今次呢款用日本特產「紫薯」做成嘅「紫薯雪糕窩夫」大家又點睇?

經常推出季節限定雪糕嘅COLD STONE,今次又有新搞作,由九月中開始販售一系列萬聖節主題嘅雪糕,除咗有「最邪惡」嘅紫薯口味,仲有南瓜口味嘅雪糕杯,將冰凍嘅雪糕放喺窩夫上面,再淋上焦糖醬,古怪但又唔突兀嘅顏色配搭,即使未到十月都感受到濃厚嘅萬聖節氣氛!

店內嘅雪糕窩夫採用嚟自南九州產嘅紫薯,唔知同香港食到嘅紫薯有咩唔同呢?

提提大家,除咗期間限定的冰淇淋,只要喺10月31日萬聖節呢日到店內消費,並講出「trick or treat」,就可以獲得小禮物一份,十月尾會去日嘅朋友記得唔好錯過喇~

 

COLD STONE官網