把冰沙作畫布!用天然食材畫出森林裡的小動物

有冇諗過食物都可以作畫?馬來西亞就有一個食物藝術家 Hazel Zakariya,將當作畫布,將一幅幅森林裡嘅畫作呈現喺大家眼前,就好似喺城市之中瞬間走入世界一樣,身邊嘅煩心事都幻化成小鹿、小兔,好治癒啊~

Hazel嘅每一幅「畫作」都充滿住童真,就好似帶返你去小時候,喚醒我哋天馬行空嘅幻想空間。當中使用嘅顏料全部取自天然食材,如薑黃、藍茶、活性碳等,估唔到簡單嘅材料就可以營造出細緻嘅顏色變化同光暗對比,做出精緻立體嘅效果,加上小花瓣點綴,真係相當夢幻~

就好似呢幅小鹿,就係以香蕉、杏仁奶、螺旋藻等食材為基底,再用椰子奶油、可可糖漿畫出如雕刻般嘅美麗線條,過程中Hazel只係用咗木籤同餐刀作工具,真係相當考驗耐性同功力嘅一個作品。

除咗單純嘅繪畫,Hazel希望自己嘅畫作可以帶出唔同嘅信息,例如呢幅充滿浪漫氛圍嘅野狼,Hazel就寫道:「Stay strong and stay true to yourself.」,望住野狼堅毅嘅眼神,無形間真係感受到被鼓舞!

唔好以為Hazel係一位專職的藝術家,佢嘅正職其實係一位專業的市場分析師,但工作同夢想從來冇衝突,只要想做,就勇敢去做吧~

圖片來源:hazelzakariya @Instagram