以為是真的!絕對無死角的大肚腩搞怪腰包

大家都一定有試過出街同人撞袋,如果想避免呢個情況發生,首先你要夠膽走喺潮流尖端,用一啲人哋未夠膽用嘅款式,例如係以下呢款「大」,包你行出街秒成為全場焦點!

呢款由倫敦設計師Albert Pukies設計嘅「大」(Dadbag),仿真度超高,做到好似衣服遮蓋唔到先會出現果四分之一,不多不少嘅完美比例真係幾可亂真!連表面嘅光澤度都有考慮到,小編真係佩服佩服~

除咗白雪雪嘅毛毛,仲有唔同膚色同款式嘅選擇,包括:毛量增加款、光滑款、黑肚臍款,仲有多重脂肪款,仲有一款啱你心水,考慮下做情侶裝都唔錯喎!

聽聞呢款除咗搞笑,仲有一個好重要嘅額外功能,就係防盜喇!呢樣真呀,試問有邊個小偷會估到你將啲錢放喺個「」先?最危險嘅地方先係最安全嘅地方,真係要俾個like!

不過想買就要等多等喇,因為設計師Albert Pukies仲搵梗合作夥伴及製造商,期待佢快啲推出市面呀~

圖片來源:thedadbag