Barbie Run HK 2017將會喺今年9月24日於中環海濱活動空間舉行,分為1.5K及3K的個人組、家庭組、企業組等路程,可以根據自己體能選擇合適嘅路程。今次嘅活動唔單止係一場路跑,更係一場結合時裝、健康、運動、公益嘅「粉紅Party」,着上粉紅色嘅上衣,將道路染成Barbie嘅標誌顏色,無論你係咪Barbie嘅粉絲,喺咁歡樂嘅氛圍下跑步,心情都係一百分!呢場慈善活動將會捐款支持香港遺傳性乳癌家族資料庫,藉以幫助更多有需要嘅女性及家庭,俾大家做運動同時做埋善事!
除咗跑步,賽事當日更有最佳造型組,Barbie Run HK特設「最佳造型組」,跑手可以參考Barbie或Ken嘅造型,展現最有創意同個性嘅一面,最終將由星級嘉賓現場頒發最佳造型大獎。現場亦設有Barbie的經典場景讓跑手拍照留念,跑完步記得唔好急住走,影埋相放上IG呃like是常識吧!
當然話明係Barbie Run,又點少得超精美嘅Barbie紀念品呢!今次主辦單位也為了香港站設計多款專屬2017 Barbie Run紀念精品,當中包括Barbie Run HK限定T恤、Cap、繩索袋、毛巾、完賽紀念獎牌及證書等,一齊嚟預先睇下啦: