颱風打到嚟!留喺室內有咩做好?

」打到嚟香港!打工仔最開心莫過於又多日假休息,但諗住瞓到自然醒嘅你,有冇過喺室內有咩可以做?唔好浪費咗一日假嘛!

  1. 打牌

平時要約打牌約齊腳都難,難得打風,梗係約埋三五佑己一齊打通宵啦~一班人嘻嘻哈哈又一日,好過自己「毒」留家中嘛!

  1. 唱K

問心,你幾耐冇約過一班朋友唱K先?仲要係星期三!平日唱K仲要平過假日,梗係book定房,有幾耐唱幾耐啦!

  1. 開睡衣Party

約埋閨密一齊開睡衣Party,傾下心事,講下八卦,再瘋狂影相放上IG呃like,仲唔快啲約佢哋?

  1. 叫外賣開大食會

講到留喺屋企,就梗係要叫外賣啦!炸雞薯條、PIZZA…… 將所有唔健康嘅嘢食聚集晒喺屋企就啱喇!好好放縱一晚,釋放晒返工嘅壓力~(生暗瘡或者喉嚨痛,唔好怪小編~小編都係建議下啫…….)

  1. 煲劇睇戲

平時返工有時間煲劇睇戲,放工又攰唔想睇,趁住放假,最好就係留喺屋企,換套睡衣,敷住面膜,煲劇睇戲!唔講咁多住,好多oppa等梗我~

(小編溫馨提示:聽日記得準時返工~)