陳法拉密密影旅行相!情侶甜「密」遊秘技公開

講起仙氣女神,又點能夠唔提?有留意開佢Instagram,都會見到佢不時會post去旅行嘅氣質靚相,360度零死角,完美攻陷一眾男士呀!就連小編作為女仔都覺得仙氣十足,唔知呢啲相係咪法拉嘅法籍男友Emmanuel Straschnov幫佢影嘅呢?

雖然法拉冇講明啲相係邊個影,但引起大家嘅無限聯想。今次小編就教大家幾招如何同男朋友去旅行,但營造出一個人去或者係同朋友去嘅假象,最啱唔想俾人發現自己談梗戀愛嘅人參考下。(首先你要有一個男朋友……)

  1. 同朋友夾定口供

去旅行前,預先同朋友夾定口供,講明幾時出發同去邊旅行,屋企人問起就直接俾定朋友嘅聯絡方法,增加可信性。

  1. 影單人照放IG

兩個人去旅行梗係唔少得影大量甜蜜合照留為紀念啦,但記得小心唔好放錯雙人照上IG,最好叫男友或者set腳架影幾張單人照,放上IG呃like之餘,又唔會俾人懷疑。

  1. 留意鏡面反射男友面貌

當大家好興奮影相嘅同時,記得留意鏡面、太陽眼鏡等反射到男友樣貌嘅東西啊~如果唔係就算幾小心,最後明眼人一見到,就功虧一簣喇~

(以上內容只屬虛構,不要太認真啊~)