中女三十六計!過年防身術

 
過年,又到了與一眾三姑六婆鬥智鬥勇的時候了,搵到工未?男朋友乜package?幾時擺酒呀?Can you see my rolling eyes? 這些問題不是我不願答你,只是過年都係圖個開心啫,講來講去你又俾唔到什麽意見我,若爭論下去自己又掛上不尊重長輩之名,甚是無謂!
如何禮貌地應對三姑六婆的十面埋伏,安穩過年?以下幾個方法大家不妨一試!
 
 
1. 惹不起,我躲!
正所謂樹大招風,你時刻出現在長輩面前,就是變相引誘他們跟你多一點互動。在這看不見硝煙的戰場上,最好的方法就是學會隱 身 術 —— 即是降低自身存在感,不要讓長輩們想起(關心)你。比如見面打過招呼之後,就默默回到房間,或者以去洗手間為由,趁機離開話題中心。
遇上熱情的阿姨姑姐,記得回答問題時,眼神要少少out of focus,讓對方敬而遠之。
2. 好忙,而家唔得閒傾
方法一雖然履行不爽,但弊端是會讓你在長輩心中形象減分,又引來新一波關注「佢而家點解咁孤僻嘅?係咪遇上乜唔開心呀?係咪單身問題呀?都話果個男仔好好啦,分咗手整個人都變咗……」。想起已覺好煩!
不如讓自己看起來很忙,不是我不想同您傾偈,有野做緊分唔到身!
例如家中來客人時,替人斟茶加水、走進廚房準備嘢食、去房間照顧細路…… 以「自己方式」消失得好合理,長輩還會覺得你人大咗,懂事咗添!
 
 
3. 兜兜轉轉,就係唔答你
即是含糊其辭或不按常理回答。佢問東邊點點點,你話西邊乜乜乜,不得已時使用萬能key「幾好啊,OK啊,就快嚕~」總之,不要讓對方找不到合適的話來接,在不知不覺中終結話題。
例如:
Q: 而家課業點嘛?考唔考到大學?
A: 幾好啊,OK啊,就快嚕~
Q: 想做咩呀?搵到工未?
A: 幾好啊,OK啊,就快嚕~
Q: 搵到男朋友未?
A: 幾好啊,OK啊,就快嚕~
其它自行發揮。

4. 岔開話題
若你本身沒什麼耐性同長輩兜圈,遇到不想回答的問題,就來個急轉彎,有意無意岔開話題,分散他們的注意力。
Q: 「而家同男朋友幾好嘛?」
A: 嗯……我地想去旅行呀,您上次去過xxx好唔好玩呀?(成功讓對方分享旅行經歷)
岔開話題最常用的辦法就是讃佢地年輕、時髦、佢嘅子女生性……非常好用。
 
5. 主動出擊
呢招分享給烈女,不想坐以待斃,任人宰割,就將槍頭調轉,全力還擊!
A: 你而家幾多人工呀?夠唔夠洗呀?
B: 夠啊~ 咁表哥而家點嘛?
A: 佢呀,佢blablabla……
這招適用於與你傾偈嘅長輩家裡有同你年紀相仿的孩子,你可成功將關注點轉移到對方身上,接下來你只需要點頭、微笑、隨聲附和就好了。
當然默認條件是,對方的孩子條件同你差唔多,不然……你懂的!
6. 談笑風生
親戚一場,一年未見,佢地問問情況都好正常啫。與其和三姑六婆爭得頭破血流,不妨積極應對,出動高情商。把她們的問候當成關心,對待他們如朋友般,平等地交流讓氣氛變得愉快。
(圖片來源:互聯網)