【純粹講戲】《紙上城市》:
做兵啟示錄

女神男神泛濫的世代,所有兵仔都好應該睇《》(Paper Towns),暫停FF。
 
》同樣係由《生命中的美好缺憾》原著作者John Green的小說改編而成,但相信今次令好多追求Dramatic感動位的觀眾失望了。因為《》除咗張海報比較似愛情戲,唔單止結局反高潮(放心,冇劇透),成套戲根本係以三位中學生Quentin、Radar同Ben為主線的青春公路電影--少少咸濕多多低能的笑料。
 
 
女主角Margo(Cara Delevingne飾,套戲拍得佢好唔有型!)離家出走,留低一句「You will go to paper towns and you will never come back」令男主角Quentin(Nat Wolff飾)為之瘋狂--唔係愛到瘋狂,而係「凝住」冇咁簡單,決定出發尋找最愛的女人。呢份偏執推動了所有劇情發展--本來係指地圖上虛構的城市,用作防止侵權,戲中象徵不存在的事物,但你夾硬話你自己天生異稟睇到喎,好朋友當然陪你癲。
 
係咪好似曾相識?相信大家身邊都遇過,明明比女神男神攝時間、過橋抽板,但兵仔們仍然鬼掩眼覺得對方係有苦衷,而且得佢睇到架咋。正如Quentin不斷被朋友提醒「別人不是你,不要用自己標準去看待別人」,但佢仍然要解開女神失蹤之謎。
驚天大結局唔劇透,但睇完呢套戲,不論做緊兵,定係相信自己係特別過人嘅我地,都可以暫時放低呢份壓力同自負。其實女神男神定我地都係人,都會食屙訓同發癲--只係你選擇性相信有啲人唔會。