【純粹講戲】《五個小孩的校長》：恐怖的香港

楊千嬅做呂麗紅校長，天真熱情但又對現況失望，做得幾好，但一班小朋友和家長，才是最精彩。小朋友講對白唔流利，反而比朗誦懶叻腔調來得討好。

至於做家長的一班演員，大部份來自亞視，越做得好，越令人唏噓。最鍾意兩幕：嫻姨（吳浣儀）由「趕住走」到講起身世，再嗌珠女走的一幕；何伯（吳耀漢）摸住杯邊，講一家無法團聚——你知道這些故事其實很真實，而他們只有傷心，沒有怨恨。

所以，整部戲最鬱悶的地方，是一班大人看不見出路，細路在掙扎。當校長叫大家問問父母的夢想時，全場大笑。也許大家都知道，他們又窮又老又少數族裔又傷殘，身處香港，注定永遠做不成機師、香港小姐、運動員……

這部電影之所以感動，是因為，現實就是如此！有焦慮症兼出紅斑的Martin，會繼續讀精英班，不知何時會痴線。

更變態是，整部戲沒有出現過教育局，最大威脅、最惡死要殺校的兇手是誰？一身土豪格的村委會會長。你懂的。