advertisement
早排鬧得全城熱哄哄嘅iPhone全新系統版本iOS 11，一推出大家都馬上更新，當大家沉醉於試新功能時，有冇發現到電話比以前更快冇電？有調查報告顯示， iOS 11 喺電池耗用速度方面，比 iOS 10快兩倍！
好多時見電量消耗快咗，會以為係電話電池老化咗，或者電話壞咗，但今次據流動裝置保安公司 Wandera對 50,000名 iPhone 與 iPad 的重度用戶進行調查，對比 iOS 10 與 iOS 11 兩個版本嘅操作系統，喺電量消耗方面嘅數據，發現iOS 10 用戶從滿電，用到冇電嘅時間係大約240 分鐘，而 iOS 11 就只有 96 分鐘，呢個結果令唔少人跌眼鏡。
其實每次Apple出新系統版本，但凡出現「食電」嘅問題，只要等Spotlight完成檔案嘅優化工作，或者等電池重新校正就可以解決問題，但眼見iOS 11 已經推出咗一段時間，呢個問題都一直未解決，唯一可以做，就只要等Apple再推出新版 iOS 以解決耗電量問題，喺未有新系統推出之前，出街都係要帶多個「尿袋」比較穩陣～
