慎入！室溫解凍真係得？港男即食室溫急凍薄餅讚好食！網民嘩然：薄餅刺身？

living
by mabel shek
2023-03-21

不少都市人都愛急凍食物，存放在冰櫃裏隨時一叮一焗快捷方便就食得。不過，原來急凍薄餅有新食法！日前有有港男在Facebook「香港茶餐廳及美食關注組」發帖，分享另類食薄餅方法，就是將急凍薄餅在室溫下解凍加茄汁直接食用，還形容「批底鬆軟可口」。帖文一出隨即引起網民嘩然，樓主還寫上「仲話好食過pizza hut」，卻一面倒地給他負評，更指包裝上列明要翻熱10至13分鐘，擔心這樣吃有食安風險；還表示家中沒有焗爐，可用1種方法加熱食物，好味又食得安心。

港男即食解凍pizza — 有港男分享即食急凍薄餅，在室溫解凍後不經加熱直接食用。（圖片來源：fb群組@香港茶餐廳及美食關注組）

樓主在facebook群組發帖文並上載了5張相片，表示自己將超市的急凍薄餅放置在室溫待半小時後便進食。從照片中可見，他取出一個急凍薄餅，打開包裝後沒有翻熱便用鉸剪剪開直接食用，還分享及大讚這食法美味，「批底鬆軟可口，添加茄汁，好食過Pizza Hut」；而另一張照片可見他剪開較硬的批邊，再有另一邊相則可看到他將莎樂美腸取出，再將一塊薄餅捲起食用，是莎樂美腸太硬了吧？

另外，他更自創新食法，指：「捲起好食過墨西哥貝力圖（Burrito ，墨西哥捲餅）」，可是剩下很多配料莎樂美腸，太浪費了吧！

網民笑指：薄餅刺身

對於樓主的帖文，令不少網民好奇：「你個意思係放室溫解凍半個鐘呀？」樓主連忙回應：「批底變軟就可食」，嚇得網民回覆「吓！你贏」，又笑指「薄餅刺身」。隨之引起網民嘩然，指出雖然包裝盒上顯示薄餅已經烤熟，但也有標明「cook from frozen 10-13mins」（在冷凍狀態下煮10至13分鐘），需要加熱。

很多網民都質疑此食法，從味道方面看，「下⋯ 到底你識唔識食架（㗎）？我都有買，加好多料添（㖭），但係要烤同唔係用茄汁囉」、「芝士唔融點會好食㗎，叮下佢都好過你咁食法，肚痛唔好問點解」、「就算唔焗，都用火槍炙燒一下個面啦」，「就咁食有細菌遲早出事，芝士要焗先好味，部份材料可能未必全熟，預咗要焗熟，個餅底焗到脆同香先好食」。