麥當勞泰式辣醬一向隨脆香雞翼附送,1包唔夠,問職員額外要多幾包都無問題。不過,由今日開始,就無得再喺麥當勞額外要多幾包泰式辣醬喇!因為麥當勞宣佈由2月18日起,食客買脆香雞翼,不論是2件、4件或脆味分享盒,只會送你1包泰式辣醬,想要多幾包?每包額外多收$1!
不少網友收到消息都表示覺得一份4隻脆香雞翼,只得一包泰式辣醬邊夠?負評今次麥當勞泰式辣醬額外收錢的制度。
也有不少網友坦言對甜甜辣辣的泰式辣醬情有獨鍾,食麥當勞其他食品例如薯條、麥樂雞都會問麥當勞職員額外要泰式辣醬。
不過亦有網友直言平時有人太過份,免費時每次都要求拎多幾包泰式辣醬,麥當勞都只是為了杜絕這些行為。
也有網友認為$1包泰式辣醬屬合理價格,不算貴。
麥當勞泰式辣醬今日起額外要每包收$1已經開始,如果唔想俾$1有無計?小編想了又想,再結合網友意見,有以下幾個方法:
麥當勞指引是買脆香雞翼,不論是2件、4件或脆味分享盒,只會送你1包泰式辣醬,如果食4件想要2包醬,可以考慮單買兩客2件裝脆香雞翼,咁就可以慳$1 有2包喇~
A post shared by (@) on
脆香雞翼 2件裝 $10 X 2 +2包泰式辣醬 免費 = $20 脆香雞翼 4件裝 $20 + 1包泰式辣醬 免費 + 1包泰式辣醬 $1 =$21
限住1包唔夠,不如自己買支泰式辣醬,想食幾多就落幾多。有網友表示覺得潘泰甜辣雞醬與麥當勞泰式辣醬味道相似,但亦有網友話覺得甜少少,也有人話好味過麥記泰式辣醬,不妨買支試下。
HKTV mall 潘泰甜辣雞醬 $21.9/2枝
網友指麥當勞假如走醬是繼走飲管後的走塑方法,不如參考IKEA般設醬料專區,供食客自取任用,減省一包包泰式辣醬的獨立包裝更環保。
photo source:lihkg, openrice, instagtram