advertisement

【髮禁校規】本港不少學校過往對於男生髮型及儀容都有既定校規,並大多要求男學生蓄短髮,而昨日(19日)東華三院黃笏南中學中五男生林澤駿就於社交平台發帖文及短片,質疑學校限制男學生留長頭髮,涉違反《性別歧視條例》,而是次投訴已獲平機會受理,事件更引起不少討論聲音!

髮禁

髮禁
林澤駿就讀東華三院黃笏南中學

中五學生向平機會投訴「男生髮禁」涉性別歧視

就讀於東華三院黃笏南中學的中五男生林澤駿,在社交平台中分享了一段長逾7分鐘的影片,當中指出自從前立法會議員梁國雄(長毛)就男囚犯剪短髮規定司法覆核案頒布陳詞後,他已思考學校不允許男生留長髮是否合乎法例。而他自言自己有輕微性別焦慮問題,並提及在一個半月前,曾被校方威脅若不剪頭髮,就會被剝奪參與學校活動或停學,在壓力下他唯有剪掉大約長約耳下的長髮。

髮禁

林澤駿同學以手勢展示原來的頭髮長度

林澤駿同學表示在剪掉長髮後,心情變得消沈,但為了作出改變,隨後他就正式循平機會投訴學校違反《性別歧視條例》,而他指出投訴已被接納,平機會亦已確認會安排進行調停或調查。

髮禁
不過林澤駿有在story指出調停的結果並不樂觀。

林澤駿繼而表達自己心情,指即刻已作出投訴,但頭髮被剪掉的事實已無法被改變:「但係我嘅頭髮已經失去咗,冇辦法 一日就生返,我拍呢條片,展示一個唔自信嘅自己比大家,係喺度掀開自己嘅傷疤。」

他又表示希望藉著是次行動去推動學校廢除男生髮禁校規,又表達對學校男生不允許留長頭髮的觀點:「學校可能會以男生留長頭髮不整潔、容易污糟而禁止男生留長頭髮。事實上呢句說話充斥著不少矛盾同埋偏見。學校默認咗留長頭髮就係邋遢、不整潔,但事實上學生每日返學前都會梳洗,難以睇到男生留長頭髮一事直接等於不整潔。況且大多女生也是留著長髮,還不是好好的嗎。」

髮禁

另外他又指出學校以「害怕學生的髮型會影響聲譽」為由禁男生留長髮,但學校作為教導學生不可以貌取人的地方,但行為上偏見卻是自相矛盾:「咁樣睇,學校有冇資格教學生唔好以貌取人呢?或者學校唔做出改變嘅話,社會會唔會都一齊停滯不前?」林澤駿又直指社會上或學校嘅性別定型不但歧視留長髮的男仔,亦都漠視咗人們留長頭髮的原因,如性別焦慮或心理問題。

髮禁

最後他總結希望透過是次影片帶出性別歧視以外的觀點,讓大家知道髮禁校規經已過時:「我想講嘅係頭髮並唔係同校服嗰啲一樣。校服係你脫離學生身份嘅時候可以除低,但係頭髮唔可以,正如我失去嘅頭髮。冇辦法返黎。學生係學校嘅時間其實無超過10個鐘,學生係咪真係應該為咗10個鐘而放棄其餘時間嘅髮型選擇權呢。我諗大家都需要考慮髮禁其實都凌駕緊學生係校外嘅髮型、自我表達。」

廢除髮禁校規 網民意見兩極

對於是次髮禁事件,不少網民留言表示支持,有人直言「點解女仔短髮得長髮又得,男仔就一定要剪短髮?完全係性別歧視,我甚至覺得即使男仔着裙都冇問題,台灣日本有啲開放啲嘅學校都可以俾男仔決定着裙返學。」而新世代歌手Tyson Yoshi都於該帖文留言「Let’s go support」!

髮禁

 

不過亦有網民持相反意見,批評「咩年代都一樣,學校有學校紀律」、「學校有學校規矩,唔喜歡可以選擇退校」、「無野搵嚟講」等。

髮禁
Tyson Yoshi亦在自身社交平台表達髮禁意見

即看林澤駿同學的完整影片:

A post shared by (@) on