響應#MeToo活動！她們都是勇敢站說出來的受害者！

噚日，十優港姐麥明詩喺Facebook 發佈咗一篇文章，響應外國女星Alyssa Milano喺Twitter發起嘅「#MeToo」運動，講出自己都曾經遭受過性侵，鼓勵受害女性勇敢發聲。不過有網民就諷刺麥明詩「太誇張」、「作故仔」，引起其他網民熱烈討論事件。

今日，麥明詩就再發文講喺法律上「性侵」嘅正確定義，佢指：「有性意圖嘅身體接觸，唔只係性騷擾。」網民反應都好兩極，有支持，亦有反對嘅聲音。

不過，都有唔少明智嘅網民有留低鼓勵嘅說話：

其實喺客觀嘅角度睇，無論係麥明詩、呂麗瑤，定係林奕含，不論佢哋喺性侵呢件事上受到嘅傷害程度係點，始終都會留低難以磨滅嘅陰影，有時候企喺對方嘅角度俾多啲鼓勵、正能量，其實對一班未有勇氣行出嚟講，或者係正遭受性侵嘅女性嚟講，都已經係一種幫助，大家用咩態度去睇呢件事，都係取決於你嘅心態。