【網絡熱話】買3球雪糕想分裝 雪糕店收3個單球價錢 被投訴兼指是黑店！網民撐店主鬧麻煩客

雖然早幾日氣溫下跌，但中午太陽猛烈，都會令人想食杯雪糕降溫。最近網上流傳關於買雪糕時的糾紛，雪糕店更貼上雙方對話，結果引起網民討論。

顧客投訴 購買3球雪糕想分開裝 被收3個單球價錢

沙田一間雪糕店收到一名顧客WhatsApp投訴，指雪糕店3球雪糕收費是$83，但顧客指示店員：「購買3球雪糕，我話要分開裝2個杯一個甜筒，然後埋單$141。」，顧客表示店員沒有詢問就直接收HK$141（3個單球價錢）。顧客更指店家有欺騙成份，認為雪糕店同黑店沒有分別。

店方回應 獲「3個單球雪糕」指示 表明沒有濫收費用

店方回應客人，指：「3球雪糕我哋係用一個容器去裝， 如果客人講明分開裝，我哋會視作3個單球，而非3球雪糕。」，雪糕店又指，3球雪糕比3個單球少大約25%。

雪糕店更表示：「 如果客人嚟到話要3球，冇講明分杯，我哋都會問返客人係3個單球定一杯3球。但係如果講明分杯就係3杯雪糕。」。店方更以粉麵店的營銷方法說明， 單拼和雙拼價錢不同，而份量亦不同，續指：「你三個人嚟話買三杯，咁我哋當然會根據你order咁做。」

客人投訴店家態度有問題 「唔係用咁嘅態度同客講嘢！」

雪糕店回應後，客人仍然非常激動，更指「我畀咗錢就係顧客」，認為店家有責任去跟進投訴，而不是講「廢話」。

客人最後主動道歉 網民：「三球分杯裝就梗係計三杯錢啦」

客人最後主動道歉，有網民就支持店主，更認為客人投訴只是為了拎著數。亦有網民留言指，不少家長因為年幼子女想食雪糕，又不想多付錢，很多時候會叫店員分開裝，一來慳錢，二來不怕小朋友吃不完。也有網民提出，其實店方語氣可以更好，避免客人激動。