advertisement

香港地少人多,不少情侶都要用盡心思計劃拍拖地點,幸好,香港迪士尼樂園就是一個不二之選,既有氣氛又可以讓人放電,是不少女生的夢想之地。不過,近日有網民於連登討論區以「正式宣佈迪士尼樂園係男人地獄」為題發文,指出迪士尼根本對男人不利,更提出了以下幾點引起了其他網民共鳴!

 

迪士尼樂園是「男人地獄」原因1:門票太貴

迪士尼係男人地獄? 圖片來源:christylaiii

樓主認為迪士尼樂園的門票十分貴,而且奉旨要幫女朋友一併買門票,「好XX貴,通常一定要比埋條女個份」。現時迪士尼的一日門票為$639,2日門票為$904,而二人份的一日門票則需花費$1278。有網民更激動地表示:「下世做女人,叫男朋友比最抵」、「買埋年票真係玩X完,條女一無聊就話不如入去行下」。

 

迪士尼樂園是「男人地獄」原因2:食物價格貴

迪士尼係男人地獄? 圖片來源:微博@倪妮

樓主表示:「食野又係貴,100 蚊一隻X街雞髀都夠膽死,啲女分分鍾仲要買埋啲X街公仔,再洗多筆」。其他網民看完也回應道:「最折墮係又話要食,買完返嚟又話唔要皮,又話唔要肥,乜q都搣晒出嚟掉咗佢,然後淨係損下d骨就話嗌飽」、「駛成百蚊食骨,咁我去垃圾桶摷出嚟俾你食都得啦」、「onX先會買個隻雞髀」。

 

迪士尼樂園是「男人地獄」原因3:排隊無限loop

迪士尼係男人地獄?

樓主認為到迪士尼排隊一定奉旨「排X死,所有野都排X死你」,他又指出夏天去的話,全裸入去玩都唔掂,因為在烈日下排隊更是煎熬。不過,迪士尼某些遊樂設施設有fast pass進場,先做好功課或者能縮短排隊時間。

 

迪士尼樂園是「男人地獄」原因4:影相地獄

迪士尼係男人地獄? 圖片來源:cbbheree

來到了第4點,樓主表示迪士尼是男人的影相地獄!「入面係要同條女瘋狂影相,完全唔知有咩好影,但又要扮enjoy,影得唔好仲要比人X」,其他網民也紛紛認同:「真係唔知啲女做咩都要影餐死,一個位都影勁耐,都癡癡哋線」、「其實kill time冇咩所謂,好過諗唔到做咩去邊又俾說話你聽」。

 

迪士尼樂園是「男人地獄」原因5:體力勞動大

迪士尼係男人地獄? 圖片來源:cbbheree

樓主表示最後一個原因是體力勞動大:「腳都廢X埋,你入得去,通常要入成日,要玩X到睇埋煙花至走得,咁X長時間行黎行去」,他覺得樂園內的坐位又不多,去迪士尼簡直比上班累!

 

有網民認為迪士尼是港男福地?

迪士尼係男人地獄? 圖片來源:陸浩facebook

雖然大部分留言的網民都認同迪士尼是男性地獄,但亦有網民認為實則相反,迪士尼一開始投入資金雖大,但之後會發現它抵到爛,因為只要買樂園銀卡,兩個人花費2千幾,但可以光明正大避開星期六日跟公眾假期,不用排隊無限loop。而且,拍拖不知道去哪時,就可以去迪士尼,更可以約女朋友3點等,避開最熱時間,女朋友又會自己先吃午餐,不用花費男生金錢。

另外,迪士尼的雞髀實際上一點也不貴,平常在街上兩個人吃一餐一定高於$180,但迪士尼雞髀可以,吃完雞髀都飽了,十分慳錢。