advertisement

要擁有一次開心又難忘的旅行,相信不少人都認為取決於旅伴。去旅行最怕遇到難頂的旅伴,雙方的旅行風格不夾亦會產生矛盾。近日港人紛紛出遊,有網民就以「旅伴最怕係邊類人?」為題在連登討論區發文,引起了很多網民的積極留言!小編為大家整合了最難頂旅伴名單,睇下自己有冇遇過吧。

圖片來源:《二十五,二十一》

最難頂旅伴1:公主/王子病

 

圖片來源:《建築學概論》

最多網民不齒的是有公主/王子病的旅伴,「最憎啲死港女格自私精,影相打卡又搞勁耐,最X街係要人地幫你拎野幫你影相」,另有網民指這種人最喜歡講自己有什麼不吃,即使已經預訂了亦不吃,「鐘意就唔貴,唔鐘意就好貴,成X日拉埋我去你想睇果度」又有網民指出:「咩都唔幫手嘅,要搵路搵餐廳時淨係企喺度等人地Google,自己掛住影相/WhatsApp/周圍望」。

 

最難頂旅伴2:最喜歡講「無所謂」

圖片來源:《花兒與少年2》

「問個陣話無所謂,到PLAN好曬又話下咁早咁遠咁攰」、「問佢咩都冇所謂,一啲建議都比唔到」。第2項最多網民不齒的旅伴類型是「無所謂」人士,講就什麼都可以吃,實際就真的什麼都可以吃,但只限中菜,大機會發生在家人/老人家身上。

 

最難頂旅伴3:太過精打細算

圖片來源:連登

網民指:「唔係話依種性格唔好,應洗則洗,但過份計較真係好X kick」,不少網民認為去旅行有時用多少少錢其實沒所謂,但這種人太慳錢造成了麻煩:「想行入間鋪食野又話頭先有間平啲,想買下野又話要行多幾間格下價,過左龍都要特登返轉頭為左個十元八塊」、「心諗其實樣野自己鍾意,個價又唔係離譜接受到咪得囉,依到計個到計成程真係冇哂心情」

網民指出曾遇過一種旅伴對於匯率有無謂的執著,「個國家又收美元又收歐羅,然後去到每個point、餐廳or買野地方又唔同匯率,佢每次都計晒用邊樣抵D先俾錢」。

 

最難頂旅伴4:趕行程人士

圖片來源:《巴打秘景遊》

另一種網民認為最難頂的旅伴是趕時間趕行程之人。「每個景點走馬看花,趕住去下個景點打卡,呢啲旅行垃圾大X把」。

 

最難頂旅伴5:拖延症人士

 

「朝早出門要搞勁耐啲港女朋友,明知自己慢就好心早啲起身準備,起左身又要玩一輪電話先準備。我自己會知大概要幾耐預返早幾多起身,之前一晚拎定要著嘅衫同執好袋」,自己有拖延症,到了集合時間卻不願起身,令大家遲了出門要追車。

 

最難頂旅伴6:「香港都有啦」人士

圖片來源:連登

有一種旅伴心繫香港,經常把香港掛在嘴邊,「香港都有山睇啦、香港都有得食啦、香港都有得買啦」,經常聽到這種話,自己亦會感到掃興。

 

最難頂旅伴7:太腌尖

圖片來源:《盲約》

最後一種難頂旅伴是明明什麼都沒有Plan,但旅程出了少少問題即比說話你聽,自己早起床睡眠不足就發人脾氣,說話語氣重又有骨,甚至黑面,十問九唔應,十分難頂。「咩都唔滿意,太熱又話熱,太凍又話凍,行得多又話攰,落雨又X,唔夠瞓又X,食得貴又X,食得cheap又X」。