港女經常被港男垢病，但亦有港男比港女更不滯，行為令人慘不忍睹。日前有理大女生於討論區發文大呻約了男友行M＋，對方不單少爺仔脾氣珊珊來遲，對於女生緊張要準時更堅持愛理不愛甚至擺出「臭面」回應。女生感嘆自己似湊仔三催四請之下才令男友，最後更因一原因被男友連累未能入場。事件於多個討論區被轉發更引來網絡熱議。
30歲廢青男友3宗罪 1：0 尊、0 時間觀念
事源上月底一位理大女生於「DCard」討論區發文，指自己約了男朋友行M＋當代藝術博物館。由於M＋博物館要有人流管制，必先預先登記預約及於指定時間入場。女生約了男友4點入場，於3點9抵達太子港鐵站並打卡 WhatsApp 對方，竟換來對方一句「咁快？」，此時女生已心知不妙，最後她於九龍站等到差不多5點，男友才現身。由於到達博物館已經比預約時間遲了1小時，二人被門口保安拒絕入場是意料中事。
30歲廢青男友 3 宗罪 2：大安旨意女友幫手解決問題
而同一篇發文更同時出現在「連登討論區」，理大女生更追帖講出另一件事。此女生用自己的信用向朋友推薦男友，希望男友有機會到朋友公司工作，最後成功獲聘。誰知男友竟然在第一日返工時 no show 「結果我同我朋友打爆左佢電話，直到11點半左右佢先醒左」，最後女友更成功擺平事件，其爛瞓男友未有失掉工作，把不可能變成可能。
30歲廢青男友 3 宗罪3：冇責任心 完全覺得自己冇錯
其男友罪狀越數越多，第3件事竟然又與「碌朋友人情卡」有關「我朋友問我男友夾唔夾份訂貓糧，買兩箱有得平咁，咁貨到左，約左今日收工果陣交收，到左交收時間，我朋友問我你男友係邊?」原來樓主於下晝5點提男友交收貓糧，男友不單完全忘記，更坐了老闆車一早回到家中，令樓主朋友拿著貓糧白等又白行一趟。
理大女生被網友恥笑「咁後生做人媽媽」
對於事主男友行為幼稚，令事主終日似湊仔：有網友表示「30歲人腦筍都未生埋咁」、「畀我就唔會幫佢搵工，一陣影響埋自己」，直指難有幸福建議分手；一過亦有網民竟告誡事主不要與男友分手「千萬不要放生男方，以免他害到其他人」、「30歲咁嘅條件都有女朋友，除咗你，無第二個啦」。亦有網友發現理大女生於多個討論區轉發同一帖文，指她一定非常生氣，但亦有網友恥笑事主湊仔行為是「咁後生做人媽媽」，勸事主放生男友，放生自己。
