advertisement

不少人去迪士尼樂園都會排隊跟迪士尼公仔拍照留念,不過你又有否想過頭套下的是什麼人?日前有網民在連登討論區發文問有沒有人被迪士尼公仔抽水。此帖即刻引發一眾網民跟有份扮演公仔的職員熱烈回應!

圖片來源:連登討論區

 

最近,有網民在連登發文「迪士尼啲公仔朋友,見到靚女會唔會抽水?」,有網民回應未有疫情前,很多日本女孩進入迪士尼會跟公仔拍照,「啲日本妹又好受落被某個好高嘅角色攬頭攬頸」。

圖片來源:christylaiii@Instagram

有網民又表示試過被巴斯光年攬腰,「試咗比巴斯光年攬腰掂到波邊咁濟,我推開,我都唔知係罩住睇唔到定點。」然後又有另一位網民指「我地係咪遇到同一個巴斯光年,2019年頭有一次去陪朋友同佢影相,佢幾flirty幾狗公下」。

圖片來源:monkeybri@Instagram

另有網民指,不只香港迪士尼樂園,她去美國迪士尼亦曾被抽水「會呀,嗰陣去加州嗰個,一入去就俾隻豬仔抽水拍我個pat pat,拍完仲扮笑,懶可愛咁」。

圖片來源:連登討論區

 

不過,亦有一部分網民認為這個推斷不成立,因為「唔熱死都偷笑啦,邊有心情抽水,同埋隔住件公仔衫抽到d咩」,「套衫又重又臭,着半個鐘都無命仲抽乜嘢水」,「件衫咁厚,抽水都感受唔到啦」、「粒住件野咁熱,又厚,都有淫念?」。

 

引扮公仔職員回應

此帖竟引出了扮演迪士尼公仔的職員留言,「​​試過扮財神同比卡超,啲女主動式請食波餅,而家有機會有時間我都想做下,同啲人互動玩下,咁就一日真係好開心」。

圖片來源:連登討論區

不過他又表示「其實係睇公司嘅,有啲公司就話唔畀有太多身體接觸,有啲就冇咩所謂」,另一網民又指「公仔衫有啲係硬殼,但好多都係薄布黎,只係質地似絨毛先咁熱,手套就9成都薄手套」。