advertisement

不少女生也曾憧憬過自己成為童話中的公主,因而對於迪士尼樂園有著無限的幻想,也期待著一天入園「圓夢」。不過近日在連登討論區上,熱烈討論1名港男以「女朋友嬲我去迪士尼一蚊都冇使過,點算」為題的帖文,分享自己與女友去迪士尼樂園的經歷,仲問網民「係我唔識浪漫情趣,定係我女朋友太港女?」最終令女友不快收場,男友本以為會得到大家聲討,卻換來一面倒力撐女友,仲勸佢儘快分手!

迪士尼樂園

 

港女力數男友入迪士尼$1都唔肯使

港女力數男友入迪士尼樂園乜嘢都唔買!覺得沒趣委屈爆喊

日前,港男帖文指出特意請假陪女朋友去迪士尼樂園,入園不久已感到女友很興奮,並興高采烈地要試戴「港女頭箍」(指Disney角色造型頭箍),再向男友露出想買的表情,但由於港男表示不想浪費金錢,因此女友只好失望地放下。

迪士尼樂園
港女指男友連$100頭箍都不肯買。(圖片來源:IG@hkdisneyland)

他補充,「之後經過見到啲人排曬(晒)長龍買嗰包血(飲料),佢又想買嚟打下卡」,可是港男見排長龍,於是一手將女友拉走,她隨即黑面,最終更委屈到喊起來,令港男摸不著頭腦,追問下才得知女友覺得「今日入迪士尼乜嘢都冇買,乜嘢都冇食過」因而大感不悅,非常委屈。

 

港女力數男友入迪士尼$1都唔肯使
男友在討論區發帖文求聲討。

 

男友無奈:請假陪你入迪士尼樂園打卡做港女,仲想我點?

男友無奈又帶點怒氣表示:「我嗰下呆X左,心諗陪左你去迪士尼打卡做港女,仲想我點?又係你自己話唔抵買,又話我地一蚊都冇洗過,之後我就講返句最多下次聖誕節去再買過。」最後再問大家「係我唔識浪漫情趣,定係我女朋友太港女?」隨之引來網民熱烈討論。

港女力數男友入迪士尼$1都唔肯使

 

港男不被網民支持   反撐女友儘快分手 

此帖文一出,網民竟一面倒力撐女友,「頭箍少少錢都要慳,入乜嘢迪士尼?」、「你陪佢入園玩大晒?講到好似恩典咁」、「個頭箍買嘅係紀念品,係等以後見到個頭箍都諗返起同你去過迪士尼嘅甜蜜回憶,$150抵比(畀)啦」、「仲孤寒過我學生時期」、「入迪士尼唔打卡去黎把X?」、「平時可以叫條女慳錢買其他嘢,去得主題樂園慳得就慳仲有咩樂趣」、「比(畀)著我飛咗你N年」⋯⋯ 

男友被網民鬧爆沒情趣

港女力數男友入迪士尼$1都唔肯使

網民力撐女友

網民力撐女友

最終獲女友抱不平   原來只是一場誤會!

在一片負面聲中,女友突然現身發帖文為男友抱不平,表示原來該帖文是女友以男友的角度而寫,目的讓網民罵自己「死港女,恥笑下我咁」。同時又解釋指自己也覺得頭箍其實不太重要,長時間戴著會弄亂頭髮。女友最後強調雖然男友欠缺情趣,但依然很感激男友的陪伴,因為只有他肯陪自己入迪士尼,所以她認為男朋友願意與她一起感受一下節日氣氛已感到非常開心,十分滿足。原來只是一場誤會,大家不用太認真了。