advertisement

一到年頭,打工仔轉工是常識吧。有公司高層社交平台專頁發帖文,指公司近日有多位員工離職,引致部門出現人手不足情況,因此近日頻頻加班,而原本他一直看好一位年輕下屬,打算下年讓對方升職,怎料他乘勢要求加薪40%,上司怒斥對方趁火打劫,大感不滿!

打工仔 加薪 上司
(圖片來源:《IT狗》劇照)

上司原看好下屬   怎料一事大失所望

該名上司在facebook專頁「奴工處」發文對年輕人的指控,又直言自己不懂與年輕人溝通,並指「可能我已脫節,或者我唔明點解時下年青人啲價值觀可以錯晒」。他提到原本對該名20出頭的下屬觀感很好,「做嘢好叻仔又有交帶」,更打算在下年讓對方升職。

打工仔 加薪 上司
(圖片來源:《大叔的愛》劇照)

 

直到近日部門出現人手不足問題,引致頻頻加班至晚上8時許才可下班,他見狀已叫年輕人捱埋過年,與公司一起共度時艱,「我打算shift返多啲duty過去,叫佢拍硬檔幫手頂埋過年,因為仲未請到人」,怎料年輕人卻令他氣憤又大失所望。

打工仔 加薪 上司
上司原本看好年輕下屬,打算下年讓他升職。(圖片來源:《大叔的愛》劇照)

 

原來,下屬乘勢要求加薪40%,他指「因為佢話做多咗嘢叫我補償,仲要拎埋辭職信出嚟,講到明加唔到就會辭職,辭職後一個月都唔會再幫手OT」。樓主對於其要求感到不解,並指「其實點解啲年青人可以咁厚面皮?價值觀錯晒,公司唔夠人手仲要坐地起價趁火打劫」。

打工仔 加薪 上司
(圖片來源:《大叔的愛》劇照)

 

網民力撐年輕人:同公司有親咩⋯

此帖文一出,聲援樓主的人寥寥可數,反而力撐該名年輕人的眾多,還留言「我反而唔明投稿人嘅價值觀。」、「如果工作量多40%,要求加40%人工好合理吖。」、「依家做返正常人叫價值觀錯?條命自己既(嘅),又唔係公司。重要公司又唔係佢嘅。」、「同公司有親咩⋯你叫佢拍硬檔個(嗰)時,咁佢做到隻狗咁又邊個拍硬檔幫佢。」另有網友搞笑留言:「而家啲後生真係不知所謂,係我就唔忍,由得佢辭職,做埋佢嗰份。」

打工仔 加薪 上司
(圖片來源:《IT狗》劇照)