advertisement

端午節就到,當然要食番隻靚糭應下節啦!除咗傳統梘水糭、鹹肉糭之外,仲有乜嘢特色選擇?小編為大家精選咗城中多款創意靚糭,睇下當中有冇你心水之選?

矜貴海膽糉 :REIGN 北海道馬糞海膽糭

REIGN 北海道馬糞海膽粽(HK$$498)
REIGN 北海道馬糞海膽糭(HK$$498)

鍾意海膽嘅你,今個端午節有新選擇。呢款北海道馬糞海膽糭每隻包含30克產於北海道禮文島或根室的馬糞海膽。大大隻海膽味道濃郁鲜甜,餘韻久久不散,包你齒頰留香,回味無窮!融合埋漏油蛋黃以及肥豬肉嘅鮮味,雙得益彰,鮮味澎湃!

芫茜控必試!EATLA 「激茜」鹹蛋黃肉糭

EATLA “激茜”鹹蛋黃肉糭
EATLA 「激茜」鹹蛋黃肉糭(HK$139)

芫茜真係無處不在!喜歡芫茜、無「茜」不歡嘅你,就要試試呢款全手工香港製造,採用脂肪比例均衡五花腩以及本地新鮮鹹蛋黃製作嘅「激茜」鹹蛋黃肉糭,芫茜配上豬肉油香與糯米互相滲透,再加上一口鹹蛋黃,滋味到難以形容!

傳統好滋味:恆香一品瑤柱XO裹蒸糭

一品瑤柱XO裹蒸粽 (605克) (HK$218)
恆香一品瑤柱XO裹蒸粽 (605克) (HK$218)

要數矜貴傳統靚糭,不得不提恆香一品瑤柱XO裹蒸糭,佢以原粒極品瑤柱、頂級原隻鹹蛋黃、加上秘製五花腩肉、惹味燒鴨肉、香濃蝦乾、爽滑花菇等經典材料製作,仲加入自家研發鮑汁XO醬,將濃郁的肉味昇華,瑤柱蝦乾的鮮味推向極致,口感層次豐富!

鮑魚瑤柱「孖住上」鴻星清香竹筒糭

鴻星清香竹筒糭
「金華兩頭烏瑤柱裹蒸糭」、「原隻鮑魚竹筒糭」

鍾意海味嘅朋友,一定唔可以錯過「鴻星清香竹筒糭」。

當中「金華兩頭烏瑤柱裹蒸糭」嚴選上品兩頭烏金華火腿製作而成,派頭十足;而上期 shechoice 編輯Yui就推介過品牌首創的「原隻鮑魚竹筒糭」,糭子內共2隻軟腍入味的鮑魚,原隻釀入糯米內,蒸煮時糭子吸收竹筒香氣,清香怡人,配合鮑魚及鮑螺粒的鮮味,啖啖好享受。進食前以大火隔水蒸約30分鐘,令糭子更美味。

昔日文章 >> 【#shechoice】編輯愛吃的特色端午節糭

傳統創意交匯:東海4大名糭

「XO醬西班牙豚肉粽」及「金桂十勝紅豆粽」
左起:「湘蓮鹼水粽」、「瑤柱綠豆粽」、「金桂十勝紅豆粽」,以及「XO醬西班牙豚肉粽」

招牌「瑤柱綠豆粽」及「湘蓮鹼水粽」,兩款經典口味繼續熱賣之外,今年加入創意十足「XO醬西班牙豚肉粽」及「金桂十勝紅豆粽」,務求令味蕾得到全新享受!

糭子盛宴:歷山酒店奢華佛跳牆糭

歷山酒店奢華佛跳牆糭
歷山酒店奢華佛跳牆糭(HK$388)

想以矜貴海味靚糭氹長輩開心,必選呢款奢華佛跳牆糭,選用澳洲8頭鮑魚、日本元貝等矜貴食材製作而成,矜貴得體,送禮自奉都係上品之選!

過節食糭又唔想食滯或者增磅,等我哋再醒你7個食糭貼士啦!

A post shared by (@) on