advertisement
對於一個劇迷嚟講，早午晚三餐煲劇係日常事，但晚晚唔瞓覺為咗煲劇搞到頸都痛埋，又何苦呢？泰國就有人發明咗一副「煲劇眼鏡」，等大家瞓喺度煲劇冇難度！
呢副「煲劇眼鏡」嘅原理係運用棱鏡折射光線，利用兩個90度棱鏡，將手上手機或平板上的內容，反射到眼鏡前方，咁就唔使耷低頭就可以睇劇，保持頭部向前的正常姿勢，第二朝起身就唔使頸枕膊痛啦～
除咗唔使頸痛，我諗大家都試過舉高部電話煲劇時手軟，被手機擲中果下痛楚真係用言語形容唔到嫁！呢個發明你只需要將手機水平拎住，咁就唔會有意外發生啦～
當然除咗睇劇，你仲可以利用呢副眼鏡用電腦做功課、睇漫畫、打機，真係好方便呢！
有近視嘅朋友可以戴咗眼鏡先，再戴返副「煲劇眼鏡」，視野就清晰晒。
最後，都要講返句公道說話，太夜瞓同喺太黑嘅環境下煲劇，對眼睛都係唔好嫁，偶爾用下就好喇，小編就唔建議長期用，始終眼睛健康先係最緊要呢～
圖片來源：DADA Living Thailand
