清明節拜山｜港爸要求細仔拜哥哥女朋友先人 網民好奇：拜咩，三九唔識七！

清明節時節，不少孝子賢孫都會前往掃墓祭祖。不過，近日有港男在香港討論區發帖，以「連阿哥女朋友啲先人我哋都要去拜⋯」為題，大呻爸爸的無理要求，指他要去拜祭哥哥女朋友的先人，港男認為與未來嫂子都不熟，何解連她的先人都要照顧埋，他極無奈說：「對啲先人嚟講我哋係陌生人，點解我都要去一齊拜？」

港男的無奈不無道理，傳統以來都是孝子賢孫需要拜祭家族的先人，以代孝意。他又表示，在4月初已跟家人前往掃墓祭祖，怎料日前他的爸爸以WhatsApp通知，指星期六又要去拜山，因而令他滿臉疑惑，「諗唔到仲有咩山好拜？咪問佢哋之前唔係拜晒啦咩？」

港男致電一問之下，竟被爸爸反駁上星期已跟他說好了，指要跟哥哥的女朋友一齊去拜山拜祭其先人，港男卻毫不知情，皆因上星期爸爸與哥哥及其女友吃飯，他卻沒有被邀請，「佢哋上個星期自己約咗出街食飯都冇預我，又未結婚點解連阿哥女朋友啲先人都要照顧埋，我連阿哥女朋友都唔熟點解我都要去一齊拜？對啲先人嚟講我哋係陌生人，無端端走去拜佢哋唔奇怪咩？」，難怪令港男一臉茫然。

網民好奇：拜咩，三九唔識七

帖文一出，即引起熱議，不少網民都覺得樓主爸爸要求無理，同時大感奇怪，其大仔女朋友的先人根本說不上是親戚，基本不需要前往拜祭。有人直斥：「關鍵在你阿爸身上，咁都得，傻架？義工都唔會咁做啦！」。

此外，有不少人留言：「未見過已經唔會拜，拜咩，三九唔識七」、「你阿哥去拜都算，你老豆老母都要去拜係咩事」、「結咗婚，你哋全家都唔應該拜啦！」。有網民更指，即使樓主的哥哥跟女朋友結婚後，樓主父母都毋須前往拜祭女家先人，還是樓主父母太過熱情？樓主也有同感並回應，「我都覺得呀，但佢哋覺得係一家人先會去拜，未結婚，一咩家人！」。

另有網民似在食花生，留言：「如果拜完有乳豬食就冇所謂」、「無所謂啦。 大方啲，禮多人鬼都唔怪，可以保佑你哋中條六合彩添」。