掃街天堂太安樓被連登仔狠批「俾狗食」 力數4宗罪：環境似鬼屋、多老鼠、食完肚疴瞓咗兩日院！

香港一向都以美食匯聚聞名，無論是什麼地方的菜系都可以在這裡吃到，當中又包括地道的掃街文化，不少香港人都喜歡以掃街頂替正餐，貪其夠平又方便，一次又可以試很多不同食物。不過，近日一名網民於連登討論區以「掃街黎講 太安樓都算係全港最垃圾」為題發文，指太安街這一掃街熱點名大於實，即惹來一班網民熱議。

樓主表示太安樓的衛生情況令人憂慮：「成個場污煙漳氣，通風又差，地下痴立立，無一間野叫好食，夜少少近馬路又多老鼠，仲去太安樓食野d人食開屎」，此帖一出，雖有網民認為太安樓炒麵、魚蛋檔和泰國菜都又平好食，但大部分網民都表示認同樓主，更加提出了4宗太安樓之罪。

網民控訴太安樓第1宗罪：環境殘舊

不少網民認為太安樓環境十分惡劣：「好x臭個場，冷氣都冇」、「個場夠舊夠殘」，另有網民指出太安樓像極鬼屋，所以營造到夠cheap 夠平的掃街氣氛。有一位網民更加十分激動地表示：「有次死死地氣入去影印，佢老x好似入x左迷你九龍城寨咁x樣，太安樓排隊個班傻x， 多數九龍屯天元班傻x黎，山長水遠黎x到朝聖， 咪死死地氣打過card lor， 太安樓真係比狗食， 你食x埋我個份，最好拆x埋佢， 成棟都係西灣河之恥黎」。

網民控訴太安樓第2宗罪：衛生情況惡劣

太安樓的衛生情況亦十分多人詬病：「有次係太安樓食完碗雲吞麵之後半粒鐘唔夠就肚痛，真係乾淨到呢！」、「太安樓個廁所先正，個場成日都有陣叔味」、「幾年前老婆食完鹵水野就肚疴瞓咗兩日院」，有網民指「最大果間炸野鋪，睇住佢跌落地沖沖水再賣」，故有網民形容為「港版恆河水」。

網民控訴太安樓第3宗罪：污煙漳氣

有網民投訴太安樓除了環境與衛生差，空氣質素更是一樣惡劣，有氣管敏感的人不宜內進：「污煙漳氣，嗅到x街」、「入去幾分鐘，之後行返出嚟成身油煙味」。

網民控訴太安樓第4宗罪：食物難食

太安樓一向以掃街知名，但是原來不少網民都覺得食物不好食：「成個場普遍嚟講真係難食居多，未咁出名之前算平又好食」、「出左名之後d質素明顯下降左唔少，仲要睇住佢加價加到double」、「有間賣粉果嘅，望落正正常常，點知啲肉難食到我係要格硬吞落肚（事後發現黑店嚟），仲有一間雞蛋仔，啲味直頭係難食版馬拉糕，零蛋香味」。有網民更加誇張地指出從來沒去過一個地方是完全沒好食的食物。