advertisement
（左起： 王鶴棣 、 梁靖康 、 吳希澤及官鴻）
想當年紅爆中港台嘅《流星花園》，被翻拍已經唔係咩新鮮事，大家仲記唔記得當年由唔同國家翻拍嘅版本？
最近台版又再翻拍，今次選角係 4位平均年齡只冇21歲嘅小鮮肉，叫咁多位姐姐們如何招架？
呢4位小鮮肉分別為：官鴻、王鶴棣、梁靖康、吳希澤，係劇組由今年6月開始走遍台北、香港、新加坡、洛杉磯及中國大陸一線城市嘅大學，喺超過30,000人中挑選出嚟，雖然大家都唔係演戲出身，但最緊要夠晒青春！令大家大飽眼福～
介紹下呢4位新成員先：官鴻（22歲）嚟自台北；王鶴棣（19歲）嚟自成都；梁靖康（23歲）嚟自廣州；吳希澤（21歲）嚟自深圳。題外話，佢哋嘅平均身高係咁多翻拍主角裡面最高嘅，平均身高有185公分，唔知杉菜會搵邊位做呢？會唔會出現最萌高差？
四位分別飾演邊個角色就暫時未透露，但單單睇佢哋為雜誌拍攝嘅封面同相片，已經令人好期待，據聞後日有得睇喇，必追！
圖片來源：時尚芭莎
