- living
- by christine cheung
- 2023-02-03
就快到情人節了，不少男女都開始book定餐廳，計劃好當天的行程。如果你的另一半告知你當天未能陪伴，不知道後果如何呢？近日，一名網民於D Card討論區發文，表示因一事未能陪伴女友過情人節，最後竟以分手收場！
一名男網民以「女朋友唔體諒我情人節要去喪禮」激動發文，表示因情人節一事而跟女友分手：「呀公前排過身，訂咗2月14要搞喪禮親人嘅喪禮我冇可能夜晚先出現，基本上嗰日我都要全日stay喺嗰邊」，他表示已經跟女朋友講了今年情人節正日陪不到她過，不過確保一定會提前跟她慶祝，也預告了禮物不會兒戲。
之後，樓主又指出：「點知佢聽完之後全日都冇覆過我msg，夜晚我問佢係咪嬲呀，佢話唔理解點解情人節會係去呀公喪禮優先過陪佢」，樓主女朋友更語出驚人地說：「佢都死咗，都唔會知你有冇去佢喪禮。」
樓主第二天早上看到此句，極為震怒，更激動得跟女朋友講分手：「癡x線, 理解唔到點解佢會講得出咁嘅說話。」
此發文一出，已引來了近千讚好，不少網民都紛紛發表意見，有大部分網民都覺得樓主女朋友不可理喻：「而家啲人咁癲嘅咩，不過可能佢唔重視佢啲親人，所以先咁」、「分得好 真係睇到都覺得痴線，咁嘅嘢都講得出」、「咁嘅女比你結到婚你都有排煩，呀公保佑左你」、「好彩你識同佢講分手，幾驚你想問點氹反佢」、「分手啦，咁冷血，第日都咁對你同你屋企人」。
有網民認為不論樓主跟阿公關係如何， 鑑於禮節和傳統，都需要送他最後一程，情人節更是「身外物」，不過一場儀式睇清一個人，亦是阿公送的禮物。
有網民亦分享自己發生過的類似事件，表示這種人大有人在：「想講我有個表姐，由細都係我外公湊大，前幾年外公走左要火化，嗰個表姐嘅家婆話唔畀佢去，因為會影響風水，真係CLS，聽到嗰刻勁嬲，點解啲人可以咁冇同理心。」
