advertisement

自從退出樂壇後,黃宗澤已經鮮有在公開場合唱歌,Bosco自2014年拍完《點金勝手》後,就將發展重心由香港轉移到中國內地,他先後在喺內地拍攝了《神探楊金邦》、《少年神探狄仁傑》、《偏偏喜歡你》同《愛讓我們在一起》,可惜在內地反應一般,依家再拍住小豬羅志祥一齊拍內地綜藝節目《極限挑戰》,在橫風橫雨的露天巴士上層唱歌,相當敬業呀~

但唔講唔知,其實黃宗澤曾幾何時都係一個歌手,唱過唔少金曲,仲首首都引起熱烈討論,連兒歌都有,你唔記得佢唱過邊首歌?唔緊要,等我哋一齊嚟重溫下啦!

要講合唱,除咗羅志祥,黃宗澤仲同過陳奕迅合唱,2009年佢喺《勁歌金曲頒獎典禮》上面同Eason合唱《K歌之王》,輪到佢獨唱果陣,徘徊喺走音同唔走音之間,難度極高,連Eason都要退讓幾分呀。

再喺2013年,黃宗澤喺出席《勁歌金曲優秀選》時唱出佢嘅代表作《最後祝福》,第一粒音出嚟果下抖音,好多經驗老到嘅歌手都未必做到,佩服佩服。留意返佢大部分時間合埋隻眼,完全投入喺歌曲入面,聽梗嘅觀眾相信都相當沉醉喺佢嘅歌聲裏面。

除咗流行曲,黃宗澤嘅歌路都好廣泛,連兒歌都有唱過,唔知90後嘅你哋有冇聽過呢?

以上片段特別珍貴,大家記得keep低喇!

(圖片取自網絡)