愛情二次創作 (The Rewrite)

15年前勇奪金像獎最佳編劇的Keith（曉格蘭特 飾）人又DRY、貨又冇、老婆又劈腿；無奈離開荷里活，接受山卡拉大學編劇班教授一職。一心諗住hea住教的他，一到埗，即偷嗒索女學生，點知賤咀唔收，得罪咗平機主席老虔婆，為保飯碗決心同索女斬纜，發奮教書…兼老吹！漸得學生信任的同時，更被超齡單親靚媽學生（瑪莉莎湯美 飾）激發，再創第二人生, 戀愛重新出發…片中有多位強勁配角助陣，爆出連環笑位，包括新鮮出爐奧斯卡最佳男配角《鼓動真我》J.K.西蒙斯。