advertisement

 

要數影壇中美貌嘅代表,舒淇可以話係其中之一,但昨晚舒淇深夜宣布暫告演員生涯,小編都嚇咗一嚇!雖然冇提及暫時息影嘅原因,但粉絲們都紛紛留言,希望佢早日回歸,期待佢再返回影壇。至於真正嘅原因係乜,有傳係因為懷孕,舒淇今早就證清因由~

原來,舒淇暫告影壇嘅原因並唔係因為懷孕,而係因為皮膚過敏!舒淇就話,因為出道21年日忙夜忙,過敏狀況一直都未有改善,所以想放下工作休息一段時間,「其實呢個諗法早喺婚後就萌生,無奈工作邀約不斷,所以直到新作品《上海堡壘》殺青,先有機會宣布暫停演藝事業,並唔係退休!」粉絲們可以放心啦!

對於過敏呢個問題,相信唔少女仔都飽受佢嘅困擾,舒淇亦曾經為咗抗過敏,就醫時將自己整張臉包滿繃帶,仲自創終極法將臉藏喺外套中,杜絕過敏源,其實要預防過敏,都仲有以下呢三個方法!

  1. 遠離過敏源

唔好以為匿喺屋企,都唔可以杜絕到所有過敏源,因為佢哋係無所不在!包括灰塵、塵蟎、花粉、柳絮等,所以保持室內通風,定期以攝氏54度以上嘅熱水洗床單、枕套、被套,經常清洗冷氣濾網,呢啲都唔懶得!

  1. 運動

適量嘅運動可以活化我哋身體嘅免疫細胞,提升免疫力,自然可以減低過敏嘅機會~

  1. 放鬆心情

壓力會影響身體荷爾蒙分泌,令身體免疫力變差,激發各類過敏反應,所以保持心境開朗都緊要。

雖然以上幾點都係老生常談,但正正就係對抗過敏嘅最佳方法!希望舒淇都可以快啲好番,拍多啲好戲俾我哋睇啦~

圖片來源:舒淇Instagram