advertisement

一分鐘抑鬱測試!抑鬱症不是任何人的錯,請不要再誤解了

全泰秀自殺

韓國娛樂圈又發生自殺事件,今次不幸嘅主角係河智苑弟弟—全泰秀,終年33歲,令粉絲心碎。韓國媒體報導,他同韓團SHINee成員鐘鉉一樣,長期罹患抑鬱症,因而自殺,令粉絲心碎。好多人一講起抑鬱症,就會聯想到精神病,瘋瘋癲癲、語無倫次、行為古怪,唔少人會選擇擇避而遠之。其實呢啲對抑鬱症都有錯誤嘅觀念,抑鬱症=「精神病」?抑鬱症就只係心情唔好?

事實上,抑鬱症係一種心境障礙,患者一般知道自己情緒上出現咗問題,為此感到好痛苦,亦都希望情況可以有所改善,但若依然唔可以調整好,有時會採用自殺呢種方式結束痛苦。所以抑鬱症並唔係大眾觀念中嘅「精神病」,佢係一種心境障礙,似是一場大腦嘅「感冒」,輕則可以好快好返,重則就要揮之不去、不斷翻發。

要確定自己或者身邊嘅朋友,有冇患上抑鬱症嘅先兆,用一分鐘做下以下測試啦!

請在符合你情緒的項上打分:沒有0,輕度1,中度2,嚴重3。

  1. 你是否一直感到傷心或悲哀?
  2. 你是否感到前景渺茫?
  3. 你是否覺得自己沒有價值或自以爲是一個失敗者?
  4. 你是否覺得力不從心或自歎比不上別人?
  5. 你是否對任何事都自責?
  6. 你是否在做決定時猶豫不決?
  7. 這段時間你是否一直處於憤怒和不滿狀態?
  8. 你對事業、家庭、愛好或朋友是否喪失了興趣?
  9. 你是否感到一蹶不振做事情毫無動力?
  10. 你是否以爲自己已衰老或失去魅力?
  11. 你是否感到食欲不振或情不自禁地暴飲暴食?
  12. 你是否患有失眠症或整天感到體力不支、昏昏欲睡?
  13. 你是否喪失了對性的興趣?
  14. 你是否經常擔心自己的健康?
  15. 你是否認爲生存沒有價值,或生不如死?

 

結果:

 

0-4分:沒有抑鬱症;

5-10分:偶爾有抑鬱情緒;

11-20分:有輕度抑鬱症;

21-30分:有中度抑鬱症;

31-45分:有嚴重抑鬱症。

 

如果你係輕度或以下,可嘗試多啲搵人傾計,而中度、嚴重抑鬱症就要去心理專科診治喇~

無論係鐘鉉,定全泰秀,每逢娛樂圈發生因抑鬱症而自殺嘅事件,社會又會開始講返抑鬱症嘅話題,事實上係咪真係要有事發生,先會關注返相關議題?喺社會中,不幸患上抑鬱症嘅人一直存在,鐘鉉喺遺書提到嘅「請對我說『辛苦了!做到這裡已經很好了!』」。其實佢哋需要嘅嘢,有時候只係一份關心,一句安慰,而呢啲我哋都可以好簡單地做到,點解唔係事情發生前行前多一步?希望下次當大家發現到身邊人出現抑鬱症嘅跡象,唔再係視而不見,就算幫唔到太多,起碼都令佢哋知道有人喺身邊。