一歲半就開始訓練的「筋肉兄弟」?女生健身前不可不知的3件事

想當年大家11歲,大家嘅興趣係做乜?外國就有一對小兄弟,佢哋嘅興趣竟然係健身!一副小萌樣同健碩嘅身材形成強烈反差!咁樣嘅「」大家接受到嗎?

呢對「筋肉小兄弟」Giuliano Stroe同Claudio,哥哥今年13歲,弟弟只有11歲!原來佢哋喺好多年前就開始做重量訓練,哥哥Stroe由5歲開始,就練就一身結實嘅,而弟弟Claudio亦都追隨哥哥嘅步伐,自一歲半開始就做體能訓練(小編表示驚訝,個嘴仲未合得埋),每日花至少2小時進行健身,細細個嘅夢想已經係成為「健美先生」,真係好好奇佢哋嘅爸爸媽媽係咪都係健美人士呢?

不過有網友就擔心,小朋友咁細個就進行訓練,對佢哋嘅成長會有影響,但佢哋嘅媽媽受訪時曾表示,從未逼迫兩兄弟去健身,健身係佢哋嘅興趣,小編就覺得,凡事最緊要係平衡,健康同開心成長最重要~

如果你都正打算健身,千祈唔好盲目就開始!始終女生同男生嘅身體構造都唔同,健身前以下幾件事要特別注意!

  1. 好多女生練都會擔心變得太大隻,胸部會變小,其實女性特有脂肪分佈規律,同全身脂肪含量都同男性有分別,無論點練習都唔會變得同男性一樣發達,所以唔使擔心太多。

 

  1. 要練唔剩止一種方法,唔一定要去健身房進行器械練習,基本任何一種運動形式都可以起到佢嘅功效,所以喺屋企都可以隨時隨地鍛鍊身體,要有好身材就唔好偷懶喇~

 

  1. 如果想消脂,不斷做鍛煉嘅運動其實並唔正確,正確嘅方式應該係要先通過一定時間同強度嘅有氧練習後,再加上力量訓練,先可以達到才能消脂嘅效果,記得要注意喇!

圖片來源:giulianostr0e @instagram

advertisement