advertisement
每月嗰幾日絕對係唔少女士嘅惡夢,因為除咗要事事小心之外,仲可能會痛到只可以攤喺床上咩都做唔到!其實要紓緩痛楚,除咗要戒食凍嘢之外,仲可以按壓穴位幫吓手。今次就搵來美女中醫師楊明霞,教大家兩個可以紓緩經痛嘅穴位啦!

要紓緩經痛可以用熱水袋放在肚臍以下的3個穴位,包括氣海穴、關元穴及中極穴,呢3個穴位都係同婦科氣血有關,用暖水袋熱敷呢3個位,絕對有助紓緩經痛!如果你是我屬於「極痛」級別,可以按壓於小腿位置嘅三陰交,即時幫你緩解經痛,大家記得mark低啦!

唔係講笑,有啲女仔真係會痛到暈!就算你係因為M痛而暈,或者平時唔舒服想暈都好,只要用手指按壓人中穴就可以即刻醒晒!要注意人中穴喺人中位置三分一嘅地方,只要按壓或者用香薰油按摩,都可以即刻止暈㗎!

下一集楊醫生仲會同大家分享瘦臉tips,記得留意啦!