考驗你的體力!韓國熱爆「彈跳健身」練肌肉

做運動對於小編嚟講,永遠都係得個「講」字,重覆又重覆嘅動作不免令人失去動力去堅持落去,如果大家同小編一樣諗法,今次就推薦一種喺韓國引起熱話嘅運動—「彈跳健身」(Bungee Fitness),話唔定會俾到新鮮感你!

「彈跳健身」係一種源自於泰國曼谷嘅運動,後來喺歐美流行,最近就喺韓國引起熱潮。如果有玩開「空中瑜伽」嘅朋友,或者會發覺「彈跳健身」嘅原理同「空中瑜伽」係有異曲同工之妙,兩者之間最大嘅分別在於「空中瑜伽」喺柔軟的布上活動,而「彈跳健身」就係將有彈性嘅繩子綁喺身上做輔助,利用繩子嘅拉力減輕身體所需負荷嘅重量,繼而做出唔同嘅動作。

 

「彈跳健身」嘅動作看似簡單,其實需要考驗你嘅核心耐力、身體協調性,同韻律感。唔好以為跳下跳下運動量唔多,其實呢種運動可以針想要訓練的肌肉,設計不同的動作無論係瘦大腿、練腹肌或是長二頭肌通通幫到手!唔怪之啲韓妹咁熱愛呢種運動啦~

不過記緊一點,無論做咩運動,最要都係要有教練在一旁指導,安全第一!

影片及圖片來源:Bungee Fitness Polska、GIPHY、Courtesy of Irene Kim、bungeedance_korea、amelly_j