張柏芝運動護膚新招!女星減肥法大公開

自從生完B之後,張柏芝閒時都會喺Instagram同大家分享生活點滴,近日就迷上咗衝浪同滑水,噚日仲post咗一段敷住面膜滑浪嘅影片,網友紛紛留言:「好搞笑哈哈」、「2017年最新造型」、「會不會曬出一個面膜印」,完全冇偶像包袱嘅顧慮~

栢芝一邊做運動減肥一邊護膚,真係好識利用時間,怪唔得一直都keep到有好身材,令人羡慕非常!好多人都好好奇究竟點解啲女明星食極都唔肥,身材又咁好,係唔係有咩偏方?其實減肥點會有捷徑呢,付出幾多就會得到幾多,一齊嚟睇下以下幾個女星用過嘅減肥方法參考下啦:

  1. 蔡依林、何潔運動飲食減肥法

運動同控制飲食係最基本嘅減肥方法,蔡依林同何潔曾表示過二人都係就呢兩方面進行修身,JOLIN瘦腰嘅秘訣係連續半小時一邊看電視一邊搖呼啦圈,飲食方面以水煮青菜和低卡餅乾為主,再配以泡酵母茶以防便秘,保持身體新陳代謝通暢;而何潔則戒掉高熱量和油炸食品,主食以清淡的蔬菜水果為主,加上適量嘅運動,就能擁有好身材。

  1. 周汶錡糙米減肥法

一向出名好身材嘅香港名模周汶錡維持身形纖瘦嘅秘訣,在於隔天食一碗糙米飯,如果午餐食得太豐富,相對地晚餐就應吃得少啲,只要記住呢個秘訣,就能夠保持好身材。

  1. 宋慧喬檸檬水減肥法

快為人妻嘅宋慧喬就選用「檸檬水減肥法」,每日至少飲三公升加上半粒檸檬汁嘅冰水,並置於冰箱裏,唔需要特別節食,搭配每日15分鐘運動排汗,排除體內有害物質,係健康嘅減肥方法,不妨一試!

  1. 金喜善蜂蜜茶減肥法

而金喜善就採用「蜂蜜減肥法」,只要用30克的蜂蜜加入一公升嘅水攪拌,加兩大湯匙的蘋果醋來調味,連續飲兩至三天,早餐前喝水時都可以加入蜂蜜,有助修身。

當然,減肥最重要都係要有決心同毅力,大家要向好身材嘅目標進發啊~(小編返去面壁思過……)

圖片來源:Instagram